Aqtóbe-Atyraý-Astrahan baǵytyndaǵy jol qysqaratyn boldy
ATYRAÝ. QazAqparat - Atyraýda eki respýblıkalyq joldy biriktirip, Aqtóbe men Astrahan aralyǵyndaǵy joldy qysqartý josparlanýda, dep habarlaıdy «QazAqparat» HAA tilshisi.
«Oblysta Atyraýǵa kiretin aınalma tasjoldyń qurylysyna tehnıkalyq-ekonomıkalyq negizdeme daıyndalyp jatyr. Oǵan Soltústik degen ataý berildi. Onyń uzaqtyǵy 26 shaqyrym bolady. Ol jol Aqtóbe-Atyraý jáne Atyraý-Astrahan baǵytyndaǵy respýblıkalyq mańyzy bar tasjoldy biriktiredi», - dep málim etti oblys ákiminiń orynbasary Jasulan Súıinshálıev.
Tehnıkalyq-ekonomıkalyq negizdeme naýryz aıynda aıaqtalady. Bul joldyń qurylysy Jaıyq ózeni arqyly Atyraýdyń mańaıynda turǵyzylatyn jańa kópirdiń arqasynda bastalmaq. Joldyń qurylysy aıaqtalǵannan keıin Aqtóbeden Astrahanǵa bet alǵan tranzıttik júk kólikteri Atyraýdan ótedi.
