Aqtóbe-Atyraý tasjolyndaǵy jol-kólik apatynan 4 adam kóz jumdy
AQTÓBE. KAZINFORM — Jol apaty kezinde Toyota Camry kóligindegi 4 jolaýshy qaza boldy. Qazir qylmystyq is qozǵalyp, tergeý júrip jatyr.
Oqıǵa 3 tamyz kúni saǵat 01:30 shamasynda bolǵan. Aqtóbe-Atyraý tasjolynyń Alǵa qalasyna jaqyn mańda Toyota Camry jáne Toyota Highlander kólikteri soqtyǵysty. Jol-kólik oqıǵasy saldarynan Toyota Camry kóliginiń tórt jolaýshysy kóz jumdy.
— Toyota Camry kóliginiń júrgizýshisi men Highlander kóliginiń júrgizýshisi jáne bir jolaýshysy medıtsınalyq mekemege jetkizildi. Atalǵan derek boıynsha Qylmystyq kodekstiń 345-baby 4-bóligi boıynsha sotqa deıingi tergep-tekserý bastaldy. Qajetti saraptamalar taǵaıyndaldy, tergeý amaldary júrgizilip jatyr, — dep habarlady oblystyq PD baspasóz qyzmetiniń jetekshisi Erbolat Sarqulov.
Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, oblystyq kópsalaly aýrýhanasynda eki adam em qabyldap jatyr.
Ol Toyota Highlander kóliginiń júrgizýshisi men jolaýshy. Ekeýi de neırohırýrgııa jáne polıtravma bóliminde em qabyldap jatyr. Jolaýshy sol kúni-aq oblys ortalyǵyna jetkizilse, júrgizýshi aldymen Alǵa aýdandyq aýrýhanasynda em qabyldap, keıin ǵana aýystyryldy. Al Toyota Camry kóliginiń júrgizýshisi Alǵa aýdandyq aýrýhanasynda Alǵa aýdandyq aýrýhanasynda em qabyldap jatyr.
Aıta keteıik, Aqmola oblysyndaǵy jol apatynan 3 adam qaza boldy. «Astana — Petropavl» avtojolynda «Hyundai Elantra» jáne «VAZ-2107» avtokólikteri soqtyǵysqan.