Aqtóbe-Atyraý tasjolynda 10 kólik soqtyǵysty

AQTÓBE. KAZINFORM – Oqıǵa Aqtóbe oblysynyń Aqkemer aýyly mańynda boldy. Qazir zardap shekken jolaýshylardy dárigerler qarap jatyr.

Aqtóbe oblystyq PD baspasóz qyzmetiniń habarlaýynsha, Aqtóbe qalasyna qalaı baǵyt alǵan júrgizýshiniń biri júk kóligin kórmeı qalǵan. Sol kezde kólikter birinen soń biri jınalyp qaldy. Barlyǵy 10 kólik soqtyǵysyp, jol jabyldy.

- Jol-kólik oqıǵasy saldarynan úsh adam túrli jaraqattarmen medıtsınalyq mekemege jetkizildi. Qazirgi ýaqytta oqıǵa ornynda jedel tergeý toby jumys istep jatyr. Polıtsııa departamenti jol qozǵalysyna qatysýshylardan erejeni qatań saqtaýdy surap, araqashyqtyqtyń mańyzdy ekenin eskertedi,- dep habarlady Aqtóbe oblystyq PD baspasóz qyzmetiniń jetekshisi Erbolat Sarqulov.

Aqtóbe oblystyq densaýlyq saqtaý basqarmasynyń habarlaýynsha, aýrýhanaǵa jetkizilgen adamdardyń bárin dárigerler tekserdi. Olar jeńil jaralanǵan.

Aqtóbede qazir Aqtóbe-Qarabutaq, Aqtóbe-Atyraý jáne Aqtóbe-Álimbet baǵytyndaǵy respýblıkalyq mańyzy bar joldar jabyq tur.

Eske salsaq, Soltústik Qazaqstanda jantúrshigerlik jol apatynan kólik júrgizýshisi kóz jumdy.