Aqtóbe aspanyndaǵy motorly ushaq kópshilikke kúdik uıalatty
AQTÓBE. KAZINFORM – Áleýmettik jelilerde shaǵyn ushaqtyń vıdeosy tarady. Turǵyndar ony ushyqsyz ushý apparaty dep boljady.
Búgin Aqtóbe qalasynda turǵyndar ushqyshsyz ushý apparatyna uqsas shaǵyn ushaqty kórip, vıdeoǵa túsirip alǵan. Áýejaıdyń ushý-qoný alańyna jaqyn ornalasqan Altyn orda shaǵyn aýdanynyń turǵyndary alańdap, túrli boljam jasady. Álııa Moldaǵulova atyndaǵy halyqaralyq áýejaıy osyǵan baılanysty túsinikteme berdi.
- 2026 jylǵy 2 qazanda áleýmettik jelilerde Aqtóbe qalasynyń ústinen ushyp bara jatqan áýe kemesi beınelengen vıdeo jarııalandy. Beınejazbada «Bıznes Aero» JShS-ne tıesili «Cessna 337 Skymaster» azamattyq jeńil motorly jeke ushaǵy ekeni anyqtaldy. Áýe kemesi áýe qozǵalysyn uıymdastyrýdyń belgilengen rásimderine sáıkes «Aqtóbe – Orynbor» baǵyty boıynsha josparly jáne ruqsat etilgen ushýdy oryndaǵan. Bul ruqsatsyz oryndalǵan ushý bolyp tabylmaıdy,- dep habarlady Álııa Moldaǵulova atyndaǵy halyqaralyq áýejaıy.
Buǵan deıin habarlaǵanymyzdaı, Aqtóbeniń tórt aýdanyna aerodrom salynady. Shaǵyn aerodrom Shalqar, Muǵaljar, Yrǵyz jáne Baıǵanın aýdandarynda boı kóteredi. Bul joba 2026–2030 jyldarǵa arnalǵan oblysty damytý josparyna engizildi.
