«Aqtóbe - Almaty» poıyzynda náreste dúnıege keldi
NUR-SULTAN. QazAqparat - Keshe «Aqtóbe - Almaty» baǵyty boıynsha júretin jolaýshylar poıyzynda náreste dúnıege keldi, dep habarlaıdy QazAqparat «Jolaýshylar tasymaly» AQ baspasóz qyzmetine silteme jasap.
5-vagonda kele jatqan Altynaı Temir jol ústinde tolǵatyp, jolserikter men poıyzdaǵy jolaýshy dárigerlerdiń kómegimen aman-esen qyz bosandy. Otar stansasyna kelgende olardy jedel járdem kóligi kútip alyp, jaqyn mańaıdaǵy aýrýhanaǵa jetkizdi.
«Qol ushyn sozǵan jolaýshylar – dáriger Evgenıı Kolopılov pen akýsher Beıbitkúl Qumǵanbaevaǵa jáne vagon jolserigi Rýslan Baıekeshov pen poıyz basshysy Saǵynaı Júsipke alǵys aıtamyz» dep málim etti kompanııadan.
Aıta ketsek, barsha jolserikter alǵashqy medıtsınalyq kómek jáne shtattan tys jaǵdaı kezinde kómek kórsetý oqý-trenıngterinen ótedi.
