Aqtóbe-Aqtaý poıyzynda jolaýshy áıel bosanyp qaldy

AQTAÝ. QazAqparat – 4 maýsym kúni Aqtaý turǵyny «Aqtóbe-Aqtaý» baǵytymen kele jatqan poıyzda bosanyp qaldy. Ony temirjol quramynyń bastyǵy men akýsher bosandyrǵan, dep habarlaıdy QazAqparat Lada-ǵa silteme jasap.

Júktiliktiń segizinshi aıynda bolǵan Aqtóbe oblysynyń týmasy Aqtaýǵa, óz úıine kele jatqan. Aqtóbede anasynyń úıinde qonaqta bolǵan.

«4 maýsym kúni tańǵy saǵat 5-te maǵan jolserikter kelip, jetinshi vagondaǵy áıeldiń tolǵaǵy bastalǵanyn aıtty. Áriptesterimmen birge basqa jolaýshylardan poıyzda dáriger bar ma dep surastyra bastadyq. Besinshi vagonnan aqtóbelik akýsher dáriger Svetlana Núrpeıisova tabyldy. Bosanyp jatqan áıel qyzmettik kýpege aýystyrylyp, oǵan kómek kórsetile bastady. Saǵat 11:10-da ol dúnıege ul bala ákeldi. Barlyq stansalarda jas anaǵa jedel járdem dárigerleri medıtsınalyq kómek kórsetti. Boıjetken stansalardyń birinde qalǵysy kelmedi», - dep baıandady Aqtóbe-Aqtaý poıyzynyń bastyǵy Botagóz Qıdanova.

Bul Botagóz Qıdanovanyń poıyzda áıel bosandyrýdyń birinshi oqıǵasy emes ekeni anyqtaldy. Bul oqıǵaǵa deıin ol úsh qyz balanyń dúnıege kelýine kómektesken.

«Náresteniń esimin Dinmuhamed dep qoıǵan. Anasy ekeýiniń jaǵdaıy jaqsy», - dep atap ótti B.Qıdanova.