Aqtóbe ákimdigi qoqys tasıtyn kólikti satyp alýǵa 2 mlrd teńge jumsaıdy
AQTÓBE. KAZINFORM – Ár arnaıy tehnıkanyń quny – 62 200 000 teńge. Ákimdik úsh jyldyq lızıng rásimdedi.
Memlekettik satyp alý portalyndaǵy aqparatqa súıensek, Aqtóbe qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi qoqys tasıtyn kólikke tapsyrys berdi. Lızıng merzimi – 36 aı. Barlyǵy 23 arnaıy tehnıkanyń árqaısysy – 62 200 000 teńge. ıAǵnı 23 kólikke jumsalatyn qarjy 1 430 600 000 teńge bolyp tur.
Lızıngtiń jyldyq syıaqy mólsherlemesi 12,6 paıyzdan aspaýy tıis. Syıaqy 541 266 800 teńge bolady. Sonda úsh jylda ákimdik 2 mlrd teńgege jýyq qarjy jumsaıdy. Aqtóbe qalasy ákimdigi qaryzdy jylyna bir ret óteıdi.
Aıta keteıik, ákimdik birinshi jyly 500 myń tóleıdi. Qalǵan eki jyldyń árqaısysynda 985 683 400 teńgeden bóledi.
Sonymen birge taǵy 15 arnaıy tehnıkany bir kózden satyp aldy. Lızıng úsh jylǵa josparlanǵan. Arnaıy tehnıkanyń árqaısysy 30 700 000 teńge tursa, jalpy quny 460 500 000 teńge dep esepteldi. Oǵan paıyzdyq ústemeaqysy qosylyp, sońynda ákimdik 635 069 000 bóledi.
Eske salsaq, Aqtóbe ákimdigi qaladan jaǵymsyz ıis shyqpaýy úshin 275 mln teńge jumsaıdy. Qazirgi kezde memlekettik satyp alý konkýrsy aıaqtaldy. Merdiger jyl ishinde káriz qudyqtaryna tehnıkalyq qyzmet kórsetýi tıis.
