Aqtóbe ákimdigi qaladan jaǵymsyz ıis shyqpaýy úshin 275 mln teńge jumsaıdy
AQTÓBE. KAZINFORM – Qazirgi kezde memlekettik satyp alý konkýrsy aıaqtaldy. Merdiger jyl ishinde káriz qudyqtaryna tehnıkalyq qyzmet kórsetýi tıis.
Aqtóbe qalalyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi jaǵymsyz ıistiń deńgeıin tómendetý úshin konkýrs jarııalady. Talap boıynsha merdiger preparat engizip, káriz jáne soǵan uqsas júıege, jabdyqtarǵa tehnıkalyq qyzmet kórsetýi tıis. Sonyń ishinde káriz qudyqtaryn, kollektorlardy, káriz sorǵy stantsııalary men káriz tazartý qurylystaryna jaýapty bolady.
Memlekettik satyp alý portalyndaǵy aqparatqa súıensek, ol úshin jergilikti ákimdik 279 mln teńge bólýdi jón kórdi. Merdiger kem degende aıyna bir ret akkredıttelgen zerthanaǵa júginip, qalalyq káriz júıesiniń sarqyndy sýyndaǵy kúkirtti sýteginiń kontsentratsııasyn baqylaýy shart. Sonymen birge arnaıy preparattardy engizip, ıistiń aldyn alady. Jeńimpaz retinde «Servıs- CNEK» JShS tanyldy. Bul jumysqa merdiger 275 mln teńge usynyp otyr.
Aıta keteıik, Aqtóbe qalasynda jaz aılarynda jaǵymsyz ıis shyǵyp, turǵyndar jıi shaǵym aıtady. Byltyr ekologter qala mańynan qustyń sańǵyryǵyn anyqtady. Sonymen birge Aqtóbedegi káriz-sorǵy stansasynyń tozý kórsetkishi 70%-ǵa jetip tur. Stansa qurylysy 2026-2027 jyldarǵa josparlanǵan. Joba quny quny – 53,5 mlrd teńge.
