Aqtóbe ákimdigi halyq sany 50-ge jetpeıtin aýyldardy atady
AQTÓBE. KAZINFORM — Tizimge kirgen 30 aýyldyń kóbi Hromtaý, Qobda jáne Muǵaljar aýdandarynda ornalasqan. Halyq sany eń az aýylda 7 adam turady.
Aqtóbe oblystyq ekonomıka jáne bıýdjettik josparlaý basqarmasynyń habarlaýynsha, Hromtaý, Muǵaljar, Baıǵanın, Temir, Mártók, Shalqar, Qobda, Qarǵaly jáne Oıyl aýdandaryndaǵy 30 aýyl osy tizimge endi. Osynyń ishinde Hromtaý aýdanynyń Kóktóbe aýyldyq okrýgine qarasty Kókterek aýylynda 7 adam turady. Odan ári Muǵaljar aýdanynyń Juryn aýyldyq okrýginiń 53-razezd eldi mekeninde 8 adam qaldy. Baıǵanın aýdanynyń Aqtal aýylynda 12, al Muǵaljardyń Qumsaı aýylynda 13 adam turady.
Hromtaýdyń Oısylqara, Aqtasty, Tassaı, Jaılaýsaı aýyldarynda, Temir aýdanynyń Báshenkól, Baıǵanınniń Jyńǵyldytoǵaı, Mártóktiń Jezdibaı, Shalqardyń Aqespe, Qobdanyń Qanaı aýyldarynda adam sany 30-ǵa jetpeıdi. Al 11 aýylda adam sany 40-48 aralyǵynda. Barlyǵy 30 aýylda bar bolǵany 950 qaldy. Kóbi mal sharýashylyǵyn kásip etip, turaqtap qalǵan.
Buǵan deıin habarlaǵanymyzdaı, Aqtóbedegi adam sany az eldi mekenderdiń turǵyndaryn jappaı kóshirý nemese olardy taratý jóninde bekitilgen jospar joq. Eldi mekenderdi taratpaı ustap turý úshin tirek aýyldarǵa bekitti.
