«Aqtóbe» ÁKK-niń eks-tóraǵasyn qamaýda ustaý merzimi eki aıǵa uzartyldy

AQTÓBE. QazAqparat – Memleketke 200 mln teńgege jýyq shyǵyn keltirdi dep aıyp taǵylǵan «Aqtóbe» Áleýmettik kásipkerlik koroporatsııasynyń burynǵy basqarma tóraǵasy Ermek Imantaevti qamaýda ustaý merzimi taǵy eki aıǵa uzartyldy. Іs áli sotqa jetpedi. Tergeýdi Sybaılas jemqorlyqqa qarsy is-qımyl agenttiginiń oblystyq departamenti júrgizip jatyr, dep habarlaıdy QazAqparat tilshisi.

QR Sybaılas jemqorlyqqa qarsy is-qımyl agenttiginiń oblystyq departamenti oblys prokýratýrasynyń úılestirýimen «Aqtóbe» ÁKK«AQ-nyń burynǵy basqarma tóraǵasy Ermek Imantaevqa qatysty sotqa deıin tergeý júrgizip jatyr. Ol qyzmettik ókilettiligin asyra paıdalandy, óziniń úlestes adamdaryna jer telimin tómen baǵaǵa berdi, sóıtip memleketke 199,4 mln teńge shyǵyn keltirdi degen kúdikke ilikti.
»Tergeý soty «qamaýǵa alý» túrindegi bultartpaý sharasyn qoldanýǵa sheshim qabyldady. Kúdikke ilikken baby boıynsha 7 jylǵa deıin bas bostandyǵyn shekteý nemese bas bostandyǵynan aıyrý túrindegi jaza qarastyrylǵan. Kinási dáleldense basshylyq qyzmet atqarý quqyǵynan ómir boıyna aıyrylady. Qazirgi kezde sotqa deıingi tergeý jalǵasyp jatyr. Ózge aqparat tergeý qupııasyna baılanysty jarııalanbaıdy«, - dep habarlady QR Sybaılas jemqorlyqqa qarsy is-qımyl agenttiginiń oblystyq departamenti.
Eske salsaq, buǵan deıin Ermek Imantaevqa qatysty is qozǵalyp, shyǵyn óndirildi. Qarjy Muǵaljar aýdanyndaǵy Qumjarǵan orta mektebiniń qurylys jumysyn aıaqtaýǵa jumsaldy. QR Sybaılas jemqorlyqqa qarsy is-qımyl agenttigi oblystyq departamenti baspasóz qyzmetiniń habarlaýynsha, bul»Aqtóbe«ÁKK» AQ-nyń burynǵy basqarma tóraǵasy Ermek Imantaeqa qatysty qozǵalǵan ekinshi is.