Aqtóbe ákimi taǵy da otyrysta uıyqtap qala jazdady
ASTANA. QazAqparat - 2016 jyly sheneýnikter daǵdaryspen, sybaılas jemqorlyqpen jáne qala ákimine deıin maýjyratatyn qalyń uıqymen kúresti, dep jazady «Dıapazon» gazeti.
Іlııas Ispanov óz ákimdik qyzmetin óte belsendi bastady. Kamera aldynda ziltemir kóterip, Aqtóbe aýyr atletıkasynyń bolashaǵy bar ekenin kórsetti. Bir mınýttyq rolıkpen Aqtóbe qalasyn súıýge shaqyrdy. Biraq, ótken aıda jelide paıda bolǵan vıdeoda jınalysta otyrǵan Aqtóbe qalasynyń ákimi Іlııas Ispanov qalǵyp-múlgip, uıqysyn jeńýge tyrysady. Sol sebepti, mundaı kreatıvti oılar ákimdi qatty sharshatady dep baǵamdaýǵa bolady.
Osy oqıǵadan keıin qala basshysy jınalystarda barynsha muqııat bolyp, sergektik tanytýy tıis edi. Alaıda, jeltoqsan aıynda máslıhat sessııasynda ákimdi taǵy da uıqy qysty.
Ádildik úshin Aqtóbeniń ózge de iri sheneýnikteriniń el aldynda uıyqtap qalǵanyn atap ótken jón. Máselen, І.Ispanovtyń birinshi orynbasary Jandos Baıyrhanovty aıtsa bolady.
Uıqymen kúres taqyrybyn jalǵastyra kele, jınalystardyń birinde sheneýnikterdiń uıqy ashýdyń erekshe tásilin oılap tapqanyn atap óteıik. Berdibek Saparbaev sóz sóıleý kezinde halyq qyzmetshileri qymbat markaly smartfondarynan bas almaı, instagram jelisindegi túrli sýretterdi paraqtap otyrdy.
