Aqtóbe ákimi: Dımash - Shámshi, Eskendir, Jubanov sııaqty tulǵalardyń izbasary

AQTÓBE. QazAqparat - Aqtóbe qalasynyń ákimi Іlııas Ispanov ánshi Dımash Qudaıbergendi múshel jasymen quttyqtap bardy, dep habarlaıdy QazAqparat tilshisi.

Eske salsaq, búgin Dımash Qudaıbergen 25 jasqa toldy. Ol óz týǵan kúninde qarttar men múgedekter úıine baryp, qarııalardyń batasyn aldy. Al keshke qala ákimi Іlııas Ispanov ánshini quttyqtap bardy.

«Búgin jalpy qazaq halqynyń mańdaıyna bitken Shámshi, Eskendir, aǵaıyndy Jubanovtar sııaqty tulǵalardyń izbasary, jerlesimiz Dımash dúnıege kelgen kún. Kúlli álemge qazaq ultynyń óneri men mádenıetin tanytyp, ulttyq brendke aınalǵan baýyrymyzdy quttyqtap bardyq. Ata-anasy, otbasy uldarynyń múgel jasymen tańerteńnen bastap quttyqtaýshylar sany tolastar emes deıdi. Biz de oblys ákimi O.Orazalınniń atynan quttyqtaýymyzdy jetkizip, ánshiniń qýanyshymen bólistik, - dep jazdy qala ákimi Іlııas Ispanov óziniń ınstagramdaǵy paraqshasynda.