Aqtóbe ákimdiginiń sheneýnigine qatysty qylmystyq is qozǵaldy

NUR-SULTAN. QazAqparat - «Aqtóbe qalasy ákimi apparaty» memlekettik mekemesiniń bir basshysyna qatysty qylmystyq isti tergelýde. Bul týraly QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov aıtty, dep habarlaıdy QazAqparat tilshisi.

«Atalǵan tulǵa 2019 jyldyń qazan aıynan bastap 2020 jyldyń naýryz aıyna deıin mekemeniń basqa qyzmetkeri jáne jeke kásipkerlermen aldyn ala kelisim jasaı otyryp, jalǵan memlekettik satyp alý týraly kelisim-sharttar jasasý arqyly 9,9 mln teńge somasyndaǵy bıýdjet qarajatyn jymqyrdy dep kúdiktelýde», - dedi departament tergeýshisi agentti alańynda ótken onlaın brıfıng barysynda.

Onyń atap ótýinshe, 2020 jyldyń 6 naýryzynda kúdikti merdigerden 1,9 mıllıon teńge mólsherde qolma-qol aqshany alý kezinde ustaldy.

«7 naýryzda oǵan 2 aı merzimge «qamaýda ustaý» túrindegi bultartpaý sharasy sanktsııalandy. Kúdiktilerge qatysty sońǵy sheshimdi sot olardyń kinásiniń dárejesin anyqtaı otyryp shyǵarady», - dedi Danııar Bıǵaıdarov.