Aqtóbe ákimdigi vaktsına saldyrǵandar arasyndaǵy utysqa 2 kólik tikti
AQTÓBE. QazAqparat - Aqtóbe ákimdigi «Ekpe al da kólik ut» aktsııasy aıasynda utysqa kólik tikti. Naýqan eki kezeńmen ótedi, dep habarlaıdy QazAqparat tilshisi.
Naýqan eki kezeńmen ótedi. 25-maýsymnan 10-tamyzǵa deıin jáne 11-tamyzdan 25-qyrkúıekke deıin. Oǵan 25-maýsym men 25-qyrkúıek aralyǵynda Aqtóbe oblysynyń aýmaǵynda koronavırýs indetine qarsy kez kelgen ekpeniń birinshi komponentin alǵan adamdardyń barlyǵy qatysa alady. Jeńimpazdar «AQTOBE» telearnasynyń tikeleı efırinde kezdeısoq tártipte anyqtalady.
«Ár kezeńniń basty júldesi - 2021 jyly shyqqan Chevrolet Cobalt markaly avtokóligi. Sondaı-aq, smartfondar, planshetter, sporttyq velosıpedter, robot shańsorǵyshtar men smart saǵattar sııaqty júldeler de oınatylady. Naýqan demeýshilerdiń qarajatyna ótkizilmek. Naýqannyń tolyq erejelerimen aktobe.gov.kz. saıtynda tanysýǵa bolady»,- dep habarlady óńirlik kommýnıkatsııalar qyzmeti.
