Aqtóbe ákimdigi turaqtandyrý qorynda qansha qant bar ekenin aıtty

AQTÓBE. QazAqparat - Aqtóbedegi turaqtandyrý qorynda 200 tonna qant bar. Taǵy 600 tonna qantqa tapsyrys berildi, dep habarlaıdy QazAqparat tilshisi.

Oblys ákimdigi saýda oryndaryna jedel monıtorıng júrgizdi. Úlken bazarlar men saýda jelilerin aralap, Aqtóbedegi azyq-túliktiń negizgi kóterme satýshylarymen kelissózder júrgizildi. Kórshi elderdiń azamattary tarapynan suranys baıqalmaıdy.

«Qant tapshylyǵy týraly aqparattyń áleýmettik jelilerde taralýy jergilikti turǵyndar arasynda dúrbeleń týdyrdy. 11-12 naýryz kúnderi qalanyń keıbir sýpermarketterinde jappaı satyp alýshylar baıqaldy. Nátıjesinde saýda jelilerinde qant satý kólemi 4 esege ósti», - dep atap ótti oblystyq kásipkerlik basqarmasynyń basshysy Nurhan Tileýmuratov. Onyń aıtýynsha, 12 naýryzda qant baǵasy kóterilgen. Sebebi ónimdi jetkizýshilerdiń satý baǵasy ósti. Osylaısha baǵa kelisine 295 teńgeden kelisine 352 boldy (Anyqtama: RF-nyń Eýrazııalyq ekonomıkalyq odaq elderine astyq pen qant eksportyna ýaqytsha tyıym salýynyń saldary).
Bul rette turaqtandyrý qorynda 200 tonna qant bar. Qazirgi ýaqytta osy ónimniń baǵasyn turaqtandyrý úshin qosymsha ınterventsııa júrgizý týraly sheshim qabyldanyp jatyr. Oblys ákimdigi baǵanyń negizsiz ósýine ákelýi múmkin jasandy dúrleleń jasamaýǵa shaqyrady. Qaladaǵy eki iri saýda jelisinde shamamen 265 tonna qant bar. Taǵy 10 vagon nemese 600 tonna qant jetkiziledi.

Eske salsaq, bqǵan deıin QR Saýda jáne ıntegratsııa mınıstrligi Qazaqstanda azyq-túlik óndirisi toqtamaıtynyn jáne qorlar júıeli negizde tolyqtyrylyp otyrǵanyn aıtyp, halyqty kezekti ret sabyrǵa shaqyrdy.