Aqtóbe ákimdigi ǵımaratyna kólikpen kirgen júrgizýshige sot sheshimi shyqty
AQTÓBE. QazAqparat - Ákimdik ǵımaratyna kóligimen kirip ketken aqtóbelik Baýyrjan Anapın 10 kúnge qamaldy. Bul týraly oblystyq sottyń baspasóz qyzmetine silteme jasap QazAqparat tilshisi habarlaıdy.
«Baýyrjan Anapın Ákimshilik quqyq buzýshylyq kodekstiń «Usaq buzaqylyq» baby boıynsha aıyptalyp, on táýlikke qamaýǵa alyndy»,- dep habarlady oblystyq sottyń baspasóz qyzmeti.
Eske sala keteıik, Aqtóbe qalasynyń turǵyny Baýyrjan Anapın 12 mamyr kúni ákimdik ǵımaratyna kóligimen kirip ketken bolatyn. Ol ajyrasyp, otbasylyq qıyndyqtarǵa tap bolǵan.
