Aqtóbe ákimdigi bankten nesıe alyp, qoǵamdyq kólikti jańartpaq
AQTÓBE. QazAqparat - Aqtóbe qalasynda kúnine 50 baǵyt boıynsha qoǵamdyq kólik júredi. Avtobýstar esik, ishi salqyn. Turǵyndardan jıi shaǵym estıtin qala ákimi Іlııas Ispanov bıyl Eýropalyq qaıta qurý jáne damý banki arqyly nesıe alyp, 290 avtobýs satyp alýdy kózdep otyr, dep habarlaıdy QazAqparat tilshisi.
Aqtóbe qalasyndaǵy qoǵamdyq kólik qatynasyna «Avtopark» JShS men Aqtóbe qalasynyń jolaýshylar avtokóligi kásiporny jaýapty. Alǵashqysy jeke, keıingisi memlekettik-kommýnaldyq kásiporyn.
«Eki kompanııanyń da jumysy óte nashar. Durys jumys isteı almaıdy. Tenderdi utyp alady, eki jylda tehnıka jańartylýy tıis bolsa, mindetti oryndamaıdy. Tek «jolaqyny qymbattatý» usynysyn túsirdi. Bizde qazir kóp qyzmet túri qymbattap jatyr. Sondyqtan áleýmettik jaǵdaıdy eskerip, qoǵamdyq tasymaldaý naryǵyna jańa kompanııany ákelýdi, Eýropalyq qaıta qurý jáne damý banki arqyly qarjy alýdy josparlap otyrmyz»,- dedi qala ákimi Іlııas Ispanov.
Jospar boıynsha bıyl 290 avtobýs satyp alynady. Salyqtan, sot protsesinen jınalǵan qarjyǵa memlekettik satyp alý konkýrsy ótkizilip, qoǵamdyq kólikter jańarady.
Aqtóbede aıaldama máselesi de oń sheshimin tappaı tur.Esepteı kele qalada 496 aıaldama bar ekeni anyqtaldy. Onyń 190-ynda qoǵamdyq kólik toqtaıtyn arnaıy jolaq qarastyrylmaǵan. Al 112 aıaldamada arnaıy pavılony joq. Bıyl bul jumysty ári qaraı jalǵastyrýǵa bıýdjetten 33 mıllıon teńge qarastyrlǵan. Barlyǵy 70 aıaldamaǵa jańbyr men kún kózinen, jelden qorǵaıtyn pavılon turǵyzylady.
