Aqtóbe: 350 myń teńgesi bar jastar páter ala alady
AQTÓBE. QazAqparat - Aqtóbede 350 myń teńgesi bar jastar páter ala alady. Bul týraly búgin óńirlik kommýnıkatsııalar qyzmetinde aıtyldy, QazAqparat tilshisi.
Aqtóbede Jastar jylyna oraı birqatar sharalar ótkizý josparlandy. Búgin óńirlik kommýnıkatsııalar qyzmetinde páter alýdyń joly túsindirildi.
«Qazirgi ýaqytta jastar úshin ózekti máselelerdiń biri - óz baspanasynyń bolmaýy. Osyǵan baılanysty Aqtóbe oblysy ákiminiń tapsyrmasymen Aqtóbe qalasynyń ákimdigi, oblystyq jastar saıasaty máseleleri basqarmasy «Turǵyn úı qurylys jınaq banki» AQ-men birlese otyryp, jastar men jas otbasylardy turǵyn úımen qamtamasyz etý jumysyn qolǵa aldy. Biz barlyq memlekettik mekemelerge habarlama jiberdik», - dedi oblystyq jastar saıasaty máseleleri basqarmasynyń basshysy Nurlan Kúntýov.
Ereje boıynsha 29 jasqa deıingi oblys turǵyndary aýmaǵy 40-50 sharshy metr bolatyn 1 bólmeli páter ala alady. Ol úshin bastapqy jarna retinde jınaǵan 350-450 myń teńge aqshasy bolýy shart. Baspana alǵan jastar aı saıyn shamamen 29 - 44 myń teńge tóleıdi. Bul bank depozıti men jaldamaly páterge tólenetin aqy. ıAǵnı, páter ıesi 6 jyl boıy jaldaý qunyn, kommýnaldyq tólemdi tólep, aı saıyn banktegi depozıtine aqsha jınaıdy. Úmitker Aqtóbe qalasynda turaqty tirkeýde bolýy da shart.
«Jastar páter alǵan soń ony jalǵa bere almaıdy. Aldymen páter jastarǵa jalǵa beriledi, olar aqshany bankke jınaıdy. Barlyq qarjy jınalǵan soń páter qujaty ıesine beriledi. «Nur Aqtóbe» aýdanyndaǵy úılerdiń 1 sharshy metri 110-120 myń teńge bolady», - dedi qalalyq ákimdiginiń turǵyn úı qatynastary bóliminiń basshysy Janargúl Dúısekenova.
Aqtóbe qalasynyń 150 jyldyǵyna oraı 150 jas baspanaly bola alady. Páter berý kezinde ustazdar, dárigerler, quqyq qorǵaý organdarynyń ókilderine basymdyq beriledi. ıAǵnı, jastar memlekettik, bıýdjettik mekemede jumys isteýi kerek.
