Aktıvterdi qaıtarý jónindegi komıtet qandaı halyqaralyq uıymdarmen tyǵyz jumys isteıdi

ASTANA. KAZINFORM – Bas prokýratýra Aktıvterdi qaıtarý jónindegi komıtet qandaı halyqaralyq uıymdarmen tyǵyz jumys istep jatqanyn málim etti.

«Zańsyz ıemdenilgen aktıvterdi memleketke qaıtarý týraly» Zańmen (budan ári - Zań) aıqyndalǵan maqsattar men mindetter turǵysynda Aktıvterdi qaıtarý jónindegi komıtet halyqaralyq-quqyqtyq yntymaqtastyqty nyǵaıtady, sondaı-aq sheteldik organdarmen jáne suranysqa ıe halyqaralyq uıymdarmen turaqty ózara is-qımyl jasaıdy. Atap aıtqanda, aqparat almasý «CARIN», «ARIN-AP» jelileri, sondaı-aq qorǵalǵan Interpol arnalary jáne GlobE Network jelileri arqyly júrgiziledi. Bıyl komıtet Interpoldyń «Kúmis bıýlleten» jáne «Kúmis habarlama» aktıvterdi qaıtarýdyń jańa quralyn ázirleý jónindegi jumys tobyna múshe boldy jáne onyń jumysyna belsendi qatysady. GLOBI jahandyq sybaılas jemqorlyqqa qarsy jedel jelisine múshelikke alyndy. Jedel aqparat pen suranystardy ózara almasý úshin baılanys arnasy ornatyldy. Urlanǵan aktıvterdi qaıtarý boıynsha BUU Esirtki jáne qylmys basqarmasymen jáne Dúnıejúzilik banktiń StAR bastamasymen ózara is-qımyl jolǵa qoıylǵan», - dep atap ótedi Bas prokýratýradan agenttiktiń resmı saýalyna oraı.

Vedomstvonyń málimetinshe, komıtet aktıvterdi qaıtarýmen tikeleı nemese janama baılanysy bar barlyq halyqaralyq uıymdarmen jáne ózara is-qımyl jelilerimen seriktestik ornatý jumystaryn jalǵastyryp jatyr.

Aıta keteıik, ótken jyldyń 26 qyrkúıeginde Qaıtarylǵan aktıvterdi basqaratyn kompanııa qurý týraly Úkimet qaýlysy shyqty. 

2022 jyldyń basynan elimizdiń quqyq qorǵaý, arnaýly memlekettik, ýákiletti memlekettik organdardyń sharalarymen quny 1,5 trln teńgedeı bolatyn aktıvter qaıtaryldy.