Aktıvterdi qaıtarý: Zerendide balalar men jasóspirimder sport mektebi ashyldy
ASTANA. KAZINFORM — Memleket basshysynyń áleýmettik mańyzy bar ınfraqurylymdy damytý jónindegi tapsyrmasyn júzege asyrý sheńberinde Aqmola oblysynyń Zerendi aýylynda balalar men jasóspirimderge arnalǵan sport mektebi ashyldy. Bul týraly Úkimettiń baspasóz qyzmeti habarlady.
Nysan elge qaıtarylǵan zańsyz ıemdenilgen aktıvter qarajaty esebinen salynǵan. Úkimet Arnaýly memlekettik qordan 2,1 mlrd teńge bóldi.
Aýdany 6 myń sharshy metrden asatyn sport mektebi aýysymda 90-ǵa deıin balalar men jasóspirimderdi qabyldaı alady.
Mekeme aýmaǵynda shańǵy jarysy, kúres jáne boks sektsııalary ashyldy, bul jastarǵa ózderin qyzyqtyratyn sport túrin tańdaýǵa jáne óz daǵdylaryn damytýǵa qosymsha múmkindikter týǵyzady. Zamanaýı jabdyqtar men keń zaldar jattyǵý jasaýǵa yńǵaıly jaǵdaı jasaıdy.
Sport mektebiniń saltanatty ashylýyna QR Bas prokýrory Berik Asylov pen Aqmola oblysynyń ákimi Marat Ahmetjanov qatysty.
Aıta keteıik, buǵan deıin óńirde qaıtarylǵan aktıvter qarajatyna Altyndy, Arnasaı, Jańaesil jáne Shalqar aýyldarynda 4 medıtsınalyq mekeme salynyp, paıdalanýǵa berilgen bolatyn.