Aktıvterdi qaıtarý: Astanadaǵy jańa stadıon qurylysyna 17 mlrd teńgeden astam qarjy bólindi
ASTANA. KAZINFORM - Úkimet Memleket basshysynyń tapsyrmasyna sáıkes, zańsyz ıemdenilgen aktıvter esebinen áleýmettik mańyzdy ınfraqurylym salý jobalaryn júzege asyrýda, dep habarlaıdy Úkimettiń baspasóz qyzmeti.

Astanadaǵy Q.Munaıtpasov atyndaǵy eski stadıonnyń ornyna jańasyn salýǵa Arnaýly memlekettik qordan 17,3 mlrd teńge qarajat bólý týraly sheshim qabyldandy.
Q.Munaıtpasov atyndaǵy ortalyq stadıon 1936 jyly salynǵan. Qazirgi tańda eski ǵımarat jaramsyz bolǵandyqtan tolyǵymen bólshektelgen. Jańa stadıonnyń qurylysy 2025 jyldyń sońynda aıaqtalady dep josparlanyp otyr.
Sport nysany qozǵalys múmkindigi shekteýli azamattarǵa arnalǵan oryndardy qosa alǵanda, 3598 orynǵa eseptelgen. Stadıon UEFA halyqaralyq standarttaryna saı salynady. Qurylys aıaqtalǵannan keıin nysandy Astana qalasy ákimdiginiń №8 olımpıadalyq rezervtegi mamandandyrylǵan balalar-jasóspirimder sport mektebiniń balansyna berý josparlanyp otyr.
Jańa stadıon oqý-jattyǵý jıyndary úshin qoldanysqa beriledi. Ony paıdalanýǵa berilýi oqý-jattyǵý úderisin jaqsartýǵa, sportshylardy daıyndaýǵa ońtaıly jaǵdaı jasaýǵa jáne olardyń nátıje kórsetý múmkindigin arttyrýǵa septigin tıgizedi.
Búginde túrli óńirlerde áleýmettik mańyzy bar 16 nysan salýǵa Arnaýly memlekettik qordan 82 mlrd teńgeden astam qarjy bólindi. Atap aıtqanda, 1 mýzykalyq mektepti qosqanda 7 mektep, 2 sport kesheni, kópsalaly aýrýhana kesheni, oblystyq jedel járdem stansasy, Arnaýly áleýmettik qyzmet kórsetý ortalyǵy, jataqhana jáne 2 balabaqsha bar. Sonymen qatar qarajat Qyzylorda oblysyndaǵy Aral aýdanynda sýmen jabdyqtaý júıelerin salýǵa jáne jańǵyrtý jumystaryna baǵyttaldy.

Jańa stadıon oqý-jattyǵý jıyndary úshin qoldanysqa beriledi. Onyń paıdalanýǵa berilýi oqý-jattyǵý úderisin jaqsartýǵa, sportshylardy daıyndaýǵa ońtaıly jaǵdaı jasaýǵa jáne olardyń nátıje kórsetý múmkindigin arttyrýǵa septigin tıgizedi.
Búginde túrli óńirlerde áleýmettik mańyzy bar 16 nysan salýǵa Arnaýly memlekettik qordan 82 mlrd teńgeden astam qarjy bólindi.
Atap aıtqanda, 1 mýzykalyq mektepti qosqanda 7 mektep, 2 sport kesheni, kópsalaly aýrýhana kesheni, oblystyq jedel járdem stansasy, Arnaýly áleýmettik qyzmet kórsetý ortalyǵy, jataqhana jáne 2 balabaqsha bar. Sonymen qatar qarajat Qyzylorda oblysyndaǵy Aral aýdanynda sýmen jabdyqtaý júıelerin salýǵa jáne jańǵyrtý jumystaryna baǵyttaldy.
Osyǵan deıin Úkimettiń Şýche-Býrabaı kýrorttyq aımaǵyn damytýdyń 2029 jylǵa deıingi josparyn bekitkenin jazdyq.