Aktıvterdi qaıtarý: Aqtóbe oblysynda medıtsınalyq mekemelerdiń qurylysyna 1,4 mlrd teńge bólindi
ASTANA. KAZINFORM - Aqtóbe oblysynda medıtsınalyq mekemelerdiń qurylysyna Arnaýly memlekettik qordan shamamen 1,4 mlrd teńge bólindi, dep habarlaıdy Úkimettiń baspasóz qyzmeti.
Qarajat 11 nysannyń: medıtsınalyq jáne feldsherlik-akýsherlik pýnktter, dárigerlik ambýlatorııalar qurylysyna baǵyttaldy.
2025 jyly feldsherlik-akýsherlik pýnktter Aqtóbe oblysynyń Yrǵyz aýdany Nura aýylynda, Baıǵanın aýdany Noǵaıty aýylynda salynady.
Sondaı-aq medıtsınalyq pýnktter:
➤ Shalqar aýdany, Shoqysý aýyly,
➤ Shalqar aýdany, Sarysaı aýyly,
➤ Muǵaljar aýdany, Jaryq aýyly,
➤ Shalqar aýdany, Toǵyz aýyly,
➤ Qobda aýdany, Begaly aýyly,
➤ Yrǵyz aýdany, Jarma aýylynda salynady.
Dárigerlik ambýlatorııalar:
➤ Muǵaljar aýdany, Qaıyńdy aýyly,
➤ Muǵaljar aýdany Muǵaljar aýyly,
➤ Alǵa aýdany, Marjanbulaq aýylynda salynbaq.
Medıtsınalyq mekemelerdiń barlyǵy táýligine 25-45 kelýshige qyzmet kórsetýge eseptelgen, bul jergilikti turǵyndar úshin sapaly medıtsınalyq qyzmettiń joǵary qoljetimdiligin qamtamasyz etýge múmkindik beredi.
- Memleket basshysynyń tapsyrmasyna sáıkes, elimizde zańsyz ıemdenilgen aktıvter esebinen áleýmettik mańyzy bar nysandar salý jobalary júzege asyrylýda,-delingen habarlamada.
Osyǵan deıin Pavlodar aýyldarynda qaıtarylǵan aktıvter esebinen ambýlatorııalar salynatynyn habarladyq.
