Akterler arasynda qazaq kúresinen «Teatr barysy» týrnıri ótedi

ASTANA. QazAqparat - 28 naýryz saǵat 16:00-de elordadaǵy Jaqsylyq Úshkempirov atyndaǵy jekpe-jek saraıynda qazaq kúresinen teatrlar arasynda «Teatr barysy» respýblıkalyq týrnıri ótedi, dep habarlaıdy QazAqparat.

Týrnırdiń basty maqsaty – elimizdiń teatrlarynda ulttyq sportty damytyp, qazaq kúresin keńinen dáripteý, sondaı-aq Qazaqstannyń teatr keńistigindegi akterlerdiń óner men sporttaǵy shyǵarmashylyq ári áriptestik baılanysyn nyǵaıtý.

Jarysqa elimizdiń 17 oblysyndaǵy teatr jáne kıno akterlerimen qosa Qobylandy Bolat jáne Saıat Maqulbaev syndy jalpy esepte 48 akter qatysady.

Joba avtory-Daryn memlekettik jastar syılyǵynyń, «Eren eńbegi» úshin tósbelgisiniń ıegeri, teatr jáne kıno akteri, úsh dúrkin «Óner barysy», Mýzykalyq jas kórermen teatrynyń akteri Asylhan Tólepov.