Akter Tom Henks pen onyń jubaıy koronavırýs juqtyryp aldy
NUR-SULTAN. QazAqparat - Akter Tom Henks zaıyby Rıta Ýılsonmen birge Avstralııada koronavırýsqa tapsyrǵan synamasynyń qorytyndysy oń bolǵanyn aıtyp berdi, dep jazady VVS.
63 jastaǵy Henks pen onyń zaıyby Kvıslendte sýyq tııý belgileri paıda bolǵan soń, medıtsınalyq kómekke júgingen. Bul týraly akter Instagramdaǵy paraqshasynda jazdy.
Endi olar úıdegi karantınde otyratyn bolady.
Akter men onyń zaıyby Kvıslendtiń Altyn jaǵalaýynda ýaqyt ótkizgen. Bul jerde Henks Elvıs Preslı týraly fılmdi túsirý jumystaryna qatysty.
Henks Instagramda: «Biz ózimizdi azdap sharshaǵandaı sezindik. Sýyq tııý belgileri paıda bolyp, denemiz aýyrdy. Rıta azdap qaltyrap júrdi. Sondaı-aq, dene qyzýymyz da bolǵan. Koronavırýsqa test tapsyrsaq, olar oń bolyp shyqty» dep jazǵan.
Henks áıeli ekeýiniń jaǵdaıy týraly barlyǵyn habardar etip otyratynyn jáne úıdegi karantınde qajetti ýaqyt ótkenshe otyratynyn habarlady.
