Akter Shárip Serik qamaýǵa alyndy

ALMATY. KAZINFORM – Belgili qazaqstandyq akter Shárip Serik bes táýlikke qamaldy.

Almaty qalasynyń ákimshilik quqyq buzýshylyq ister jónindegi mamandandyrylǵan aýdanaralyq sotynda otbasy-turmystyq qatynastar salasyndaǵy zańsyz áreketteri úshin (QR ÁQBtK-niń 73-babynyń 1-bóligi) Sh.Serikke qatysty is qaraldy.

Sot barysynda akter óz kinásin moıyndady.

– Sot qaýlysymen Shárip Serik Qazaqstan Respýblıkasy ÁQBtK-niń 73-babynyń 1-bóligimen kináli dep tanylyp, 5 táýlik merzimge ákimshilik qamaqqa alý túrindegi jaza taǵaıyndaldy,– dep habarlady sottan.

Sot qaýlysy zańdy kúshine engen joq

Osyǵan deıin Almaty turǵyny Álııa Bóteeva áleýmettik jelide akter Shárip Seriktiń qol kótergenin aıtyp, dálel retinde vıdeo men sýretter jarııalaǵan bolatyn.

Keıin akter Shárip Serik jasaǵan áreketi úshin keshirim surady.