Akter, rejısser Baltabaı Seıitmamytuly dúnıeden ótti
ASTANA. KAZINFORM — Qazaqstannyń eńbek sińirgen qaıratkeri, «Qurmet» ordeniniń ıegeri, akter, rejısser Baltabaı Seıitmamytuly qaıtys boldy.
QR Mádenıet jáne aqparat mınıstrligi Qazaqstannyń eńbek sińirgen qaıratkeri Baltabaı Seıitmamytulynyń ómirden ozýyna baılanysty otbasy men jaqyn týystaryna, týǵan halqyna qaıǵyra kóńil aıtady.
— Baltabaı Seıitmamytuly — sanaly ǵumyryn qazaq sahna ónerine arnaǵan sırek bolmysty tulǵa edi. Ol Ǵabıt Músirepov atyndaǵy Qazaq memlekettik balalar men jasóspirimder akademııalyq teatry men Muhtar Áýezov atyndaǵy Qazaq ulttyq drama teatrynyń altyn qoryna aınalǵan beıneler galereıasyn qalyptastyryp, klassıkalyq jáne zamanaýı dramatýrgııany tereń fılosofııalyq oımen, bıik akterlik mádenıetpen somdaı bildi. Ulttyq mádenıettiń damýyna súbeli úles qosqan Baltabaı Seıitmamytulynyń jarqyn beınesi, shyǵarmashylyq murasy men ǵıbratty ǵumyr joly halqymyzdyń jadynda máńgi saqtalady dep senemiz. Marqumnyń jany jánnatta, ımany salamat, topyraǵy torqa bolsyn! — delingen habarlamada.
Osyǵan deıin Dinmuhamed Qonaevtyń qaryndasy dúnıeden ozǵanyn jazǵan edik.