Akter Hıý Djekman Sıdneı jaǵajaıynda uly men demalyp jatqan ózge de adamdardy qutqardy
ASTANA. QazAqparat - Avstralııalyq akter Hıý Djekman Sıdneı jaǵajaıynda basyn qaýipke tigip, sýǵa batyp jatqan ulyn qutqardy, artynsha demalýshylarǵa da kómek kórsetti, dep habarlady NTV.Ru.
Oqıǵa ótken senbide oryn aldy. Kýágerlerdiń sózine qaraǵanda, qatty aǵys bolyp, birneshe demalýshy sýǵa bata bastaǵan. Olardyń biri akter Hıý Djekmannyń 15 jastaǵy uly boldy.
Akter kóp oılanbaı ulyn qutqarýǵa umtyldy. Keıin ózge júzýshilerge jaǵalaýǵa shyǵýyna kómektesti. Bul kezde qutqarýshylar da kelip qaldy. Keıin olar Instagram paraqshasynda akterdiń erligine alǵys aıtty.
