Akter Donald Sazerlend qaıtys boldy
ASTANA. KAZINFORM – «Ashtyq oıyndary», «Aıyrýdyń alty dárejeci» jáne «Italıandyq tońaý» sııaqty fılmderde basty róldi somdaǵan Donald Sazerlend 88 jasynda qaıtys boldy. Bul týraly VVS jazdy.
Akterdiń qaıtys bolǵanyn onyń uly Kıfer habarlady.
«Meniń ákem Donald Sazerlend qaıtys bolǵanyn qaıǵyra habarlaımyn. Men ony kıno tarıhyndaǵy eń mańyzdy akterlerdiń biri sanaımyn. Ol jaqsy bolsyn, jaman bolsyn, eshqandaı róldi jatsynbady. Ol óz jumysyn jaqsy kórdi jáne súıikti isimen aınalysty. Taǵdyrdan artyq tileý múmkin emes. Onyń ómiri jaqsy boldy», - dedi ol.
Donald Sazerlend 1970 jyldary amerıkalyq «MESh» teleshoýynda hırýrg Pırstiń rólin somdaǵan soń tanymaldylyǵy artyp, kınoda úlken jetistikke jetti.
Sazerlend shyǵarmashylyq mansabynda jalpy 200-ge jýyq róldi somdady.
Donald – tórt ul men bir qyzdyń ákesi. Ol Kanadada dúnıege kelgen. Alǵashynda radıo reporter bolyp jumys istegen. 1957 jyly bolashaq akter Londonǵa kóship, onda London mýzykalyq jáne dramalyq óner akademııasynda oqydy. Sodan keıin ol ulybrıtanııalyq kınolarda shaǵyn rólderdi somdaı bastady.
Kommertsııalyq tabysqa jáne synshylardyń joǵary baǵasyna qaramastan, ol «Oskarǵa» eshqashan usynylmady, biraq 2017 jyly kıno salasyndaǵy mansaby úshin qurmetti syılyq aldy.
