Akter darǵa asý sahnalyq kórinisinen keıin esinen aıyrylyp, kóz jumdy
ASTANA. QazAqparat - Italıandyq akter Rafael Shýmaher «Saǵym» spektaklindegi darǵa asý kórinisinen keıin esinen aıyrylyp, kóz jumdy, dep habarlady Gazeta.rý «Bı-bı-sı» basylymyna silteme jasap.
Bul oqıǵa Pızadaǵy Lux teatrynda boldy. Kórermenderdiń biri jaǵdaıdy baıqap qalyp, kómekke umtyldy, 27 jastaǵy Shýmaher aýrýhanaǵa jetkizildi.
Akterdiń jaǵdaıy barǵan saıyn aýyrlap, emdeýge múmkindik bermedi, dárigerler patsıenttiń mıyna zaqym kelgen degen qorytyndyǵa keldi.
Týystary men jergilikti prokýratýra ókilderi ártistiń organdaryn donorlyqqa alýdy maquldady. Akterdiń anasy men dostary onyń ózin-ózi óltirýin joqqa shyǵarady.
Qazirgi kezde quqyq qorǵaý organdary oqıǵa bolǵan teatrdaǵy tehnıka qaýipsizdigi erejeleriniń saqtalýyn tekserýde.
