Akter Aıan Ótepbergen Ispanııadaǵy halyqaralyq kınofestıvalde úzdik akter atandy

ASTANA. KAZINFORM — Qazaqstandyq teatr jáne kıno akteri, Astana qalasyndaǵy Mýzykalyq jas kórermen teatrynyń ártisi Aıan Ótepbergen Ispanııanyń Tenerıfe aralynda ótken X Isla Calavera halyqaralyq fantastıkalyq kınofestıvalinde «Úzdik akter» atalymynyń jeńimpazy atandy.

Akter Aıan Ótepbergen Ispanııadaǵy halyqaralyq kınofestıvalde úzdik akter atandy
Foto: instagram.com/otepbergen_ayan

Mádenıet jáne aqparat mınıstrlininiń habarlaýynsha, akter Djek Teılor atyndaǵy júldeni «Sicko» fılmindegi róli úshin ıelendi. Festıvaldiń qazylar alqasy onyń akterlik sheberligin joǵary baǵalap, keıipker beınesin áserli somdaǵanyn, drama men ıýmordy utymdy ushtastyra bilgenin atap ótti.

Festıval qorytyndysynda «Sicko» fılmi «Úzdik tolyqmetrajdy fılm», «Úzdik akter» jáne «Úzdik kostıýmder» atalymdary boıynsha úsh júldege ıe boldy.

Isla Calavera halyqaralyq fantastıkalyq kınofestıvali jyl saıyn Kanar araldarynda ótedi. Bıyl onynshy ret uıymdastyrylǵan mereıtoılyq festıval 6-15 qarasha aralyǵynda ótti.

Eske salaıyq, buǵan deıin «Qaitadan» halyqaralyq kınofestıvalde Ortalyq Azııanyń úzdik fılmi atanǵanyn jazǵanbyz.