Akter Asqar Naımantaev ómirden ótti

Belgili satırık, akter Asqar Naımantaev ómirden ótti, dep habarlaıdy Kazinform. 

Belgili satırık, akter, rejısser, «Qazaqstannyń eńbek sińirgen qaıratkeri» Asqar Naımantaev dúnıeden ozdy. Qaraly habardy óner adamdary áleýmettik jeli arqyly jetkizip jatyr.

«Asqar aǵamyz baqıǵa attanypty. Qaıran asyl er… Alla aldyńnan jarylqasyn», - dep jazdy dástúrli ánshi Erlan Rysqalı. 

Osydan bes kún buryn óner ıesi Instagram-paraqshasynda aýrýhanada jatqan sýretterimen bólisken bolatyn. 

Asqar Ábdiǵalymuly Naımantaev 1965 jyly, 17 maýsymda Almaty oblysy, Narynqol aýylynda dúnıege kelgen.

Akter «Terisqaqpaı», «Aqqý-Gákký» komedııalyq teatrlaryn ashyp, kıno jáne teatr sahnasynda birqatar rólderimen este qaldy.