Aqtaýlyq júrgizýshiniń kóliginen zańsyz aýlanǵan 65 keli bekire balyǵy tabyldy

AQTAÝ. QazAqparat – Aqtaýda «Brakoner» jedel-profılaktıkalyq is-sharasy aıasynda qala turǵynynyń kóliginen zańsyz aýlanǵan 65 keli bekire balyǵy tárkilendi, dep habarlaıdy QazAqparat tilshisi oblystyń polıtsııa departamentiniń baspasóz qyzmetine silteme jasap.

Tabıǵatty qorǵaý polıtsııasynyń qyzmetkerleri «Lada 2113» avtokóliginiń salonynan bekire tuqymdas balyq salynǵan tórt qap tapty, olardyń jalpy salmaǵy 65 keli. Sırek kezdesetin jáne quryp ketý qaýpi tóngen, sondaı -aq paıdalanýǵa tyıym salynǵan ósimdikter men janýarlar túrlerin zańsyz paıdalaný faktisi boıynsha Aqtaý qalalyq polıtsııa basqarmasy sotqa deıingi tergeý júrgizýde», - delingen baspasóz habarlamasynda.