Aqtaýlyq jastardyń kóbi áskerge jaramsyz - Qorǵanys isteri jónindegi departament
Búginde sarbaz ataný ońaı emes. Qatal tártip, joǵary talap bar. Alaıda, sońǵy ýaqytta shydamdylyqty shyńdaıtyn úlken mektepke barýshylar sany azaıǵan. Oblys boıynsha kóktemgi áskerge shaqyrýdy 3000 azamat alǵan. Onyń 1300-ge jýyǵy tirkeýden ótse, onyń 372-i ǵana áskerı talapqa saı dep tanylǵan. ¤ Medıtsınalyq tekserýden ótpegender maıtaban, júrek-qan tamyr aýrýy bolǵandyqtan súringen.
Shynbolat Aqmuratovtyń aıtýynsha, turǵylyqty mekenin aýystyrǵan azamattardy tabý qıynǵa soǵyp otyrǵan kórinedi.
«Bıyl 1800-den astam azamatqa shaqyrtý taratylsa, onyń 872-si ǵana tıisti meken-jaıǵa jetken. Sondyqtan turaqty meken-jaı tabý úshin kóshi-qon polıtsııasy men jergilikti polıtsııa qyzmetine suranys joldanǵan. Bul kemshilik jylda qaıtalanady», - deıdi ol.
Máselen, ákimdikte arnaıy áskerı esep mamandary joq. Budan bólek, ishki ister organdary shaqyrý qaǵazdary kelmegen azamattardy izdestirip, áskerı shaqyrý pýnkterine jetkizbeıdi.¤
Jalpy Mańǵystaýdan 36 myńnan astam azamat áskerı esepke tirkelgen. Onyń 397-si ǵana iriktelgen.
Jıynda aımaq basshysynyń orynbasary belgisiz sebeptermen tirkelýden qashyp júrgen jastardy anyqtaý úshin tapsyrmalar júktedi.
«Bıyl 710 adam áskerge barý kerek eken. Bul 700 000 halyqtyń 1 paıyzyna da jetpeıdi. Sondyqtan tapsyrmany 100 paıyz qamtamasyz etýdi qolǵa alý kerek. Bul Elbasynyń jarlyǵy. Sondyqtan ár aýdannyń áskerı bólim basshylaryna tapsyramyn. Ár jigitti áskerge barýǵa shaqyrý úshin Otan aldyndaǵy boryshy men paryzyn aıtyp, júrekterin oıatý kerek. Aldaǵy ýaqytta jastardyń áskerı-patrıottyq tárbıeni kúsheıtýge, týǵan jerge qyzmet etýge úndeıtin jumystar kerek», - deıdi oblys ákiminiń orynbasary Maqsat Sqaqov.
Foto: newspile.ru
