Aqtaýlyq jastar janjal kezinde bir-birin qaıshymen jaraqattady

AQTAÝ. QazAqparat - Aqtaý qalasyndaǵy saýda, oıyn-saýyq ortalyǵynda jastardyń janjaly bir-birine qaıshymen jaraqat salýmen aıaqtaldy, dep habarlaıdy QazAqparat tilshisi.

«2022 jylǵy 23 jeltoqsanda saǵat 17:35 shamasynda 102 kezekshi pýltine 16 shaǵynaýdanda ornalasqan «Aqtaý» saýda, oıyn-saýyq ortalyǵynda jas jigitterdiń janjaldasqany týraly shaqyrý kelip tústi. Onda 19 jastaǵy jigitter bir-birimen kelispeı qalǵan. Jigitterdiń biri ekinshisiniń betine jaraqat salǵan», - dep málim etti Mańǵystaý oblystyq Polıtsııa departamentiniń baspasóz qyzmetinen.

Jábirlenýshi Mańǵystaý oblystyq aýrýhanasyna qaralǵan. Dárigerler ony úıine qaıtarǵan.

Janjaldasqandar jumystas azamattar bolyp shyqty, polıtsııaǵa shaǵym túsirmegen. Olarmen profılaktıkalyq áńgime júrgizilgen.