Aqtaýlyq jasóspirim qyz bessaıystan álem chempıony atandy
ASTANA. QazAqparat - 2015 jyldyń 14-20 qyrkúıek kúnderi ıAlta (Reseı) qalasynda bozbalalar men boıjetkenderdiń arasynda jazǵy polıatlonnan álem chempıonaty bolyp ótti. Jarysqa 21 komandadan 180 kópsaıysshy jınaldy. Atletter bas júdege bessaıys baǵdarlamasy boıynsha talasty: sprınt, oq atý, snarıad laqtyrý, júzý jáne kross.
Bul týraly Sport.kz jazady.
12-13 jastaǵy boıjetkender arasynda sporttyq básekede «Jastar» ORMBJSM tárbıelenýshisi Arına Mısheeva jeńimpaz atandy. 60 metrlik sprıntte topta úzdik nátıje kórsetip, júzý, atý jáne snarıad laqtyrýda joǵary kórsetkishterge ıe bolyp, jarystyń sońǵy túri - 1000 metrge júgirýge shyqqan Arınanyń reseılik qarsylasyna qaraǵanda upaı sany jaǵynan az ǵana basymdyqqa ıe bolǵan. Qarsylasynan jeńilip bara jatqanda bizdiń sportshymyz jeńiske degen umtylysyn tanytyp, máre syzyǵynda reseılik sportshydan oza keldi.
Qazaqstan Respýblıkasynyń atynan jasóspirimderdiń álem chempıonatyna irikteý qorytyndylary boıynsha alynǵan barlyǵy 2 sportshy qyz qatysty. Ókinishke qaraı, Qostanaı sportshysy 14-15 jastaǵy boıjetkender tobynda 4-shi oryn alyp, jeńimpazdar tuǵyryna shyǵa almady.
