Aqtaýlyq jas sýretshi úıdiń kireberisin ulttyq naqyshta bezendirdi
Qylqalam sheberi joǵary sapaly akrıll boıaýy arqyly 15-shaǵynaýdan 41b úı̆iniń kireberisine kerege, dombyra, qasqyrdyń sulbasy jáne sandyq pen er-toqym beı̆nelegen.
Sýretshige tamasha ıdeıany sol úı̆diń turǵyny Gúlajar Qoıanbaı̆qyzy usynǵan. Ol jas sýretshi Dáýren Aralbaevtyń jumystarymen áleýmettik jelidegi paraqshasy arqyly tanysady. Sóıtip, úıdiń kireberisin bezendirý týraly usynys aıtady. Sýretshiniń paraqshasyndaǵy avtorlyq týyndylarynyń ishinen osy qazaqsha naqyshtaǵy birneshe sýretterdi tańdap, úıdiń kireberisin bezendirýge muryndyq bolǵan.
Sýret salýdyń qyr-syryn bar ynta-jigerimen meńgergen sýretshiniń bolashaqqa jospary kóp.
Dáýren buǵan deı̆in Aqtaýdyń jaǵalaýyna Abaı̆dyń 175 jyldyǵyna oraı̆ aqynnyń qanatty sózderi men portretin beı̆nelegen bolatyn.