Aqtaýlyq jas aıaqdopshylar Túrkııadaǵy halyqaralyq týrnırdiń toptyq irikteýinde 2-shi oryn aldy
ALMATY. 29 naýryz. QazAqparat - Túrkııanyń Antalııa qalasynda ótip jatqan «Túrik demalystary» halyqaralyq týrnırinde 1999 jylǵy jasóspirimder arasynda baq synap jatqan Aqtaý qalasynyń «Kaspıı» komandasy búgin jartylaı fınaldyq oıynyn ótkizedi.
Toptyq synda olar Reseıdiń Máskeý qalasynyń «Rýblevo» jáne Ramenskoe qalasynyń «Pıoner» komandasymen «S» tobynda óner kórsetip, eki oıynda da 1:1 esebimen teń tústi. Onda bir oıynda jeńip, bir oıynda teń túsken máskeýlikter 4 upaımen birinshi, aqtaýlyqtar 2-shi, al bir oıynda teń túsip, bir oıynda jeńilgen ramenskilikter 1 upaımen 3-shi oryndy qanaǵat tutty.
Keshe shırek fınaldyq oıynda aqtaýlyqtar «A» tobynda 9 upaımen birinshi oryn alǵan Reseıdiń Máskeý qalasynyń «Akademııa Strogıno» komandasymen kezdesip 1:7 esebimen oısyraı utyldy. Búgin olar 28 naýryzda «V» tobynda 1-shi oryn alǵan Tbılısı qalasyndaǵy óz otandastarynyń «Lokomotıv» komandasyna 1:6 esebimen utylǵan «D» tobynda 2-shi oryn alǵan Grýzııanyń Kýtaısı qalasynyń «Avaza» komandasymen kezdesedi.
