Aqtaýlyq turǵyn ózi turatyn úıdiń kireberisin erekshe qylyp bezendirgen

AQTAÝ.QazAqparat- Aqtaýlyq turǵyn úıiniń kireberisin óz qolymen erekshe sándep qoıǵan. Turǵyn qurylys qaldyqtaryn kádege jaratyp, qabyrǵany zamanaýı úlgide bezendirgen. Mozaıkalar qurastyryp, ártúrli kartınalardy ilip qoıǵan. 5 shaǵynaýdannyń 22-úıindegi 4-shi qabaty bir kórgen adamǵa óner galereıasy sııaqty.

«Osylaı bezendirýge podezderdiń suryqsyz kelbeti áser etti. Qara boıaýmen salynǵan, syzylǵan túrli jazýlar da bar. Sosyn óz qolymmen bezendirýge kiristim. Áktep, syrlap, kafelderdi jabystardym. Kartınalardy taýyp alyp keldim. Qazir ózimniń jasaǵanyma jalǵyz men emes, kórshilerim de dán rıza. Sebebi, ár adam úıine kelgende kóńil kúıi kóterilýi kerek. Endi qarasańyz, bir demalyp qalasyz»,- deıdi Sergeı Naýmov.

Avtor Sergeı Naýmovtyń aıtýynsha, odan «Bul úı qonaq úı me?» dep suraǵandar da bolypty. 1 jyl ishinde jóndeý jumystaryn júrgizip, erekshe úlgide bezendirgen Sergeı Naýmovtyń eńbegine kórshileri de rıza.