Aqtaýlyq taekvondoshy egiz qyzdar fınalda bir-birimen jekpe-jekke shyǵýdan bas tartty

QYZYLORDA. QazAqparat - Aqtaýlyq taekvondoshy egiz qyzdar jarystyń fınalynda jekpe-jekke shyǵýdan bas tartty, dep habarlaıdy QazAqparat tilshisi.

Jekpe-jektiń nátıjesin «tas, qaıshy, qaǵaz» dep atalatyn oıyn sheshti.

Apaly-sińlili egizder Aııa men Saıa Kenjeǵalı taekvondo týrnıriniń fınalynda bir-birimen jekpe-jek shyǵýdan bas tartyp, ózara tanymal oıyn arqyly jeńimpazdy anyqtaýǵa sheshim qabyldady. Bul oıynda Aııa jeńiske jetti.

Maýsym aıynyń 9-13 aralyǵynda Qyzylorda oblysynda 2010-2011, 2012-2013 j.t. jasóspirimder arasynda taekvondodan respýblıkalyq týrnır ótti.

Týrnır Keńes odaǵynyń batyry Táıimbet Kómekbaevty eske alýǵa arnaldy.

Jarysta respýblıkamyzdan 800-den astam sportshy baq synasyp, mańǵystaýlyq jas sportshylar júldeli oryndarǵa ıe boldy.

Mańǵystaý komandasynyń jetistikteri:

36 kg salmaqqa deıin - Abýnasyr Qulysh – 1 oryn;

32 kg salmaqqa deıin – Aıan Baǵdat – 1 oryn;

30 kg salmaqqa deıin – Nurdáýlet Quralyqov – 1 oryn;

26 kg salmaqqa deıin – Adına Kósherbaeva – 1 oryn;

24 kg salmaqqa deıin – Aııa Kenjeǵalı – 1 oryn.

36 kg salmaqqa deıin – Asylbek Alıı – 2 oryn;

30 kg salmaqqa deıin – Janerke Baımenova – 2 oryn;

28 kg salmaqqa deıin – Alıhan Qapesh – 2 oryn;

26 kg salmaqqa deıin – Ismaıl Rzagalı – 2 oryn;

24 kg salmaqqa deıin – Saıa Kenjeǵalı – 2 oryn;

36 kg salmaqqa deıin –Omarjan Qospaqov – 3 oryn;

34 kg salmaqqa deıin – Bıbisara Samalhanqajyqyzy – 3 oryn;

32 kg salmaqqa deıin – Nursat Zakarııa – 3 oryn;

26 kg salmaqqa deıin – Sezim Narımanqyzy – 3 oryn;

26 kg salmaqqa deıin – Nurdaýlet Senǵalı – 3 oryn;

24 kg salmaqqa deıin –Abdýalım Rzagalı – 3 oryn.