Aqtaýlyq sportshy sambodan álem chempıony atandy
ASTANA. QazAqparat - Jattyqtyrýshy Manarbek Bısekenov pen Sergeı Volobýevtiń tárbıelenýshisi Ramazan Mamaev Serbııada ótip jatqan jastar arasyndaǵy sambodan álem chempıonatynda jeńiske jetti, dep habarlaıdy QazAqparat lada.kz saıtyna silteme jasap.
Ramazan 62 keli salmaq dárejesinde álem chempıony atandy. «Jas batyr» sport mektebiniń dırektory Manarbek Bısekenovtiń aıtýynsha, Ramazan birinshi beldesýde Gollandııadan kelgen qarsylasynan basym túsken.
«Sondaı-aq bolgarlyq atletpen aıqasqanda jeńiske qol jetkizdi. Ramazan fınalǵa shyǵatyn kezde bar kúshin salyp, tájik sportshysyn eńserdi. Ol aqtyq synda Mońǵolııadan kelgen qarsylasyna bir de bir múmkindik bermeı, álem chempıony atandy», - dedi Manarbek Bısekenov
Taǵy bir mańǵystaýlyq sportshy Jalǵas Qaspaev 15 qazan kúni chempıonatta óner kórsetedi.
