Aqtaýlyq sportshy M. Táńirbergenova ıAkýtııadaǵy halyqaralyq oıyndarda «kúmis» oljalady
ASTANA. QazAqparat - 5 shildeden beri ıAkýtııada «Azııa balalary» atty VI halyqaralyq sporttyq oıyndar ótip jatyr. Onda balalar 22 sport túrinen saıysqa túsýde.
Erkin kúres boıynsha Mańǵystaý oblysyndaǵy sporttyq mektep tárbıelenýshisi Maral Táńirbergenova Qazaqstan qorjynyna kúmis júlde saldy.
Bıylǵy saıysqa 38 elden tórt myńǵa jýyq qatysýshy kelgen. Qyzdar arasyndaǵy erkin kúres boıynsha Mańǵystaýdyń namysyn qorǵap kelgen Maral Táńirbergenova 32 keli salmaq dárejesinde baq synady. Ol mońǵolııalyq jáne qyrǵyzstandyq qarsylastarynan basym túsip, reseılik qyzdan jeńildi.
«Azııa balalary» halyqaralyq sport oıyndary 17 shildede aıaqtalady. Bul oıyndarǵa Qazaqstan komandasy únemi qatysyp keledi. 2008 jyly Qazaqstan jalpykomandalyq esepte ekinshi oryn, al 2012 jyly úshinshi oryn alǵan. Bul joly elimizdiń atynan 218 sportshy qatysýda.
