Aqtaýlyq polıtseılerdiń drıfti: ІІD tekseris nátıjelerin jarııalady
ASTANA. QazAqparat - Aqtaýda elektromobılmen ártúrli manevrlar jasap, kóńil kótergen polıtseıler jumystarynan qýyldy. Mańǵystaý oblystyq Іshki ister departamenti qyzmettik tekseris nátıjelerin jarııalady, dep habarlaıdy QazAqparat Lada.kz saıtyna silteme jasap.
«Qyzmettik tekseris nátıjesi boıynsha eki polıtsııa qyzmetkeri tártiptik jazaǵa tartylyp, jumystarynan bosatyldy», - málim etti Mańǵystaý oblystyq ІІD-niń baspasóz qyzmetinen.
Eske salaıyq, áleýmettik jelide qos polıtseıdiń sý jaǵasynda qyzmettik elektromobılmen drıft jasap júrgen vıdeosy jarııalanǵan edi.
Mán-jaıdy anyqtaý úshin qyzmettik tekserý júrgizilgen bolatyn.
