Aqtaýlyq polıtseıler er adamdy sýıtsıdten qutqaryp qaldy

AQTAÝ. QazAqparat - Aqtaýda patrýldik polıtsııa qyzmetkerleri er adamdy sýıtsıdten qutqaryp qaldy, dep habarlaıdy QazAqparat ІІM-ne silteme jasap.

102 kezekshi pýltine Aqtaý qalasy 31B shaǵyn aýdany «Rose» turǵyn úı kesheniniń páterleriniń birinde er adam óz-ózine qol jumsamaqshy degen shaqyrtý tústi.

Patrýldik polıtsııanyń quramynda polıtsııa leıtenanty Tleýbaı Nurlan jáne polıtsııa aǵa leıtenanty Berdibaev Bahtııar syndy qyzmetkerleri bar «Mıraj-10» jasaǵy aıtylǵan mekenjaı boıynsha shaqyrtýǵa jetedi. Kómekke patrýldik polıtsııa batalony ınspektorlary keldi. Aıtylǵan mekenjaı boıynsha derek rastalmaı, polıtsııa qyzmetkerleri ózge páterlerdi tekserý barysynda, esigi ashyq turǵan páterdi baıqady. Polıtseıler áldeqandaı dybystar estip, úıine kirgende jýynatyn bólmede er adamnyń tósek jaıma arqyly asylyp jatqandyǵyn kóredi.

Polıtseıler er adamdy qutqarýǵa áreket jasap onyń ómiriń ólimnen arashalady. Er azamat jedel járdem qyzmetkerlerine tapsyrylyp, polıtseılerdiń erip otyrýymen aýrýhanaǵa jetkizildi.