Aqtaýlyq oqýshylar ósimdikterdi avtomatty sýarý jobasyn daıyndady
AQTAÝ. QazAqparat - Aqtaýdyń Nazarbaev zııatkerlik mektepterinde hımııa-bıologııa baǵyty boıynsha bilim alyp jatqan oqýshylar ósimdikterdi avtomatty túrde sýarý júıesin daıyndady. Jaqyn bolashaqta oqýshylar STEAM kabınetinde (onda «aqylda úı» ornalasady) arnaıy oranjereıa jasamaqshy. Jańa joba ýaqyt únemdep qana qoımaı, jobaǵa ǵylymı kózqaras qalyptastyrady, dep habarlaıdy QazAqparat tilshisi.
«Joba «Arduino-uno» mıkroplata bazasy men ylǵaldylyqty anyqtaıtyn qurylǵy, nasos, shlang jáne sý quıylǵan ydystan turady. Ylǵaldylyqty anyqtaıtyn qurylǵy topyraqqa otyrǵyzylady. Topyraq qurǵap qalǵan jaǵdaıda arnaıy qurylǵy belgi beredi de, onda avtomatty túrde sý jiberiledi. Jobamen 12 synyp oqýshysy Malıka Alıeva robot tehnıkasy úıirmesiniń jetekshisi Baqytjan Muhammedpen birge aınalysty.
Avtomatty túrde sýarý júıesin daıyndaıtyn kezde olar sý men ýaqytty únemdep, ósimdikterdiń kútimin durys júrgizetin jobany oılap tabý maqsatyn kózdegen bolatyn. Endi olardyń jobalary oranjereıa jasaýǵa da kómegin tıgizetin bolady»,-dedi Atqaý qalasy NZM-niń baspasóz qyzmetiniń ókili Ryskúl Ramazanova.
Oqýshylar avtomatty sýarý júıesiniń óńirdiń ósimdik sharýashylyǵyn jańa deńgeıge kóteredi degen senimde.
