Aqtaýlyq oqýshylar kómekke muqtaj balaǵa aqsha jınap berdi
Olar qarajatty «Meniń paıdaly asym» atty jármeńke uıymdastyrý arqyly jınaǵan. Qaıyrylymdyq aktsııasyna ustazdar men oqýshylar, qala turǵyndary qatysty.
«Mektebimizde osy apta hımııa,bıologııa jáne ekologııa aptalyǵy ótip jatyr. Aptalyq aıasynda balalarǵa paıdaly as ishýdi nasıhattaǵymyz keldi. Sol sebepti osyndaı jármeńkeni uıymdastyrdyq. Ustazdar durys tamaqtaný retsepti boıynsha ázirlengen astardy pisirip ákelip, jármeńke barysynda aǵzaǵa paıdasy týraly aıtyp turdy. Sharadan 61 myń teńge jınadyq. Satylymnan túsken qarjyny qaterli isik dertine shaldyqqan Shymkent qalasyndaǵy Nazarbaev Zııatkerlik mektebiniń oqýshysy Ordabek Raıymbektiń emine kómek bolsyn dep salyp jiberýdi uıǵardyq», - deıdi sharany uıymdastyrýshy, bıologııa pániniń muǵalimi Gúljan Núsipjanova.
Qalǵan 60 myń teńge qyrkúıektiń 21-i kúni zııatkerlik mektepterdiń oqýshylary uıymdastyrǵan «Uly dala muragerleri» kontserti barysyndaǵy qolóner buıymdarynyń kórmesinen túsken qarajat.
«Oblystyq deńgeıde uıymdastyrylǵan kontsertte oqýshylardyń óz qolymen jasaǵan kózdiń jaýyn alar buıymdar qala turǵyndaryna satylǵan edi. Sol sebepti eki sharanyń qarjysyn birge salyp jiberdik», - dedi mektep dırektorynyń tárbıe isi jónindegi orynbasary Altynzer Ihsanova.
