Aqtaýlyq mýzykant Grýzııada ótken halyqaralyq festıvalda jeńimpaz atandy
ASTANA. QazAqparat - Tbılısıde qazannyń 24-27 aralyǵynda ótken «Fiestalonia Georgia» festıvalinde Qazaqstan atynan óner kórsetken Nabııar Altaev birinshi oryndy jáne «altyn» dıplomdy jeńip aldy. Bul syılyq oǵan «Instrýmentaldy mýzyka» atalymy boıynsha eresekter arasynda ótken synda úzdik dep tanylǵany úshin berildi, dep habarlaıdy QazAqparat lada.kz. saıtyna silteme jasap.
Nabııar qazaq kúılerinen popýrı oryndap, tanymal mýzykanttar men ónersúıer qaýymdy ózine tánti etti. Aqtaýlyq mýzykant Mahambettiń «Jumyr qylyshyn», Qurmanǵazynyń «Jıma», «Adaı», «Saryarqa», Dáýletkereıdiń «Kóruǵly», Esbaıdyń «Bógelek» kúılerin babyna keltire oryndady.
Nabııar Altaev «Shabyt» Qazaq Ulttyq óner ınstıtýtynyń túlegi. Ol ótken jyly Ispanııada ótken «Open Spain» baıqaýynda úshinshi oryndy jeńip aldy.
Astrahanda ótken «Altyn dala daýystary» halyqaralyq konkýrsynda 2 dárejeli laýreat atandy. Bul baıqaýǵa Grýzııa, Reseı, Ózbekstan, Ýkraına, Ispanııa, Izraıl, Qazaqstan, Úndistan, Armenııa, Ázerbaıjan sııaqty memleketterden 400-den astam oryndaýshylar men toptar qatysqan bolatyn.
