Aqtaýlyq qyz sýda júzýden rekord ornatty
ASTANA. QazAqparat - Aqtaýlyq Tomırıs Moljanova sýda júzýden ótken respýblıkalyq chempıonatta altyn medaldy jeńip aldy. Radmır Ahmedıanov chempıonattyń «qola» júldegeri atandy. Bul týraly jelkendi sport túrinen balalar men jasóspirimder sport mektebiniń júzý bóliminiń bapker-ustazy Aleksandr Kabargın málim etti, dep habarlaıdy lada.kz.
Shymkentte 31 mamyr kúni aıaqtalǵan sýda júzýden QR chempıonatynda 2005 jyly týǵan jáne odan jas 450 uldar men qyzdar qatysty. Onda Mańǵystaý oblysynyń atynan Jelkendi sport balalar men jasóspirimderge arnalǵan sport mektebiniń sýda júzý bóliminiń tárbıelenýshileri óner kórsetti.
Tomırıs Moljanova 200 metrge qashyqtyqqa brass ádisimen jáne 400 metrge keshendi júzýden osy jastaǵy qyzdar arasynda jáne osy qashyqtyq boıynsha Qazaqstan Respýblıkasynyń rekordyn ornatyp, chempıon atandy. Moljanova kórsetken nátıje 5 mınýt 51,63 sekýndty qurady.
«Meniń júzýmen aınalysyp júrgenime 4 jyl boldy. Qazaqstan chempıonatynda qol jetkizgen jetistik bizdiń bapkerimiz ekeýmizdiń respýblıkalyq deńgeıdegi birinshi jeńisimiz»,-dedi Tomırıs.
Radmır Ahmedıanov bolsa, 400 metr qashyqtyqqa keshendi júzý ádisi boıynsha «qola» júldege qol jetkizdi.
«Bul chempıonattyń baǵdarlamasyndaǵy eń bir kúrdeli qashyqtyqtardyń biri, soǵan qaraı ol sportshydan myqty tehnıkalyq daıyndyqty qajet etedi»,-dedi Aleksandr Kabargın.
