Aqtaýlyq qos egiz jup balalarynyń mereıtoıyn atap ótpek
ASTANA. QazAqparat - Jaqynda Uzaqbaevtar áýleti nemereleriniń 1 jas mereıtoıyn atap ótedi. Aqtaýlyq Tórebek pen Joldasbek esimdi egizder osydan 2 jyl buryn egiz qyzdarmen shańyraq kóterip, perzent súıgen bolatyn. Bul qýanyshpen egizdiń syńary Joldasbek bólisti.
Jigitter qazir Aqtaýda oblystyq veterınarııalyq laboratorııada qyzmette. Al jubaılary Asyl men Aıym narkologııalyq dıspanserde, qazir abysyndar bala kútimimen úıde otyr.
«Ulymyz Ámirbek 2016 jyldyń qyrkúıeginde dúnıe esigin ashty, Ámirbek dep esimin ákem qoıdy. Ámir - tarıhtan belgili Ámir Temir qolbasshynyń esimi bolsa, al bek - han, sultan degen maǵynany bildiredi. Al egizim Tórebektiń qyzy Aqjibek sol jyly qazan aıynda dúnıege keldi. Jibekteı jumsaq, názik jandy, uıań bolsyn degen nıetpen atyn yrymdap anam qoıdy», - deıdi Joldasbek.
«Ózimiz egizbiz, egiz qyzdarǵa úılendik, kóp uzamaı balaly boldyq. Biz týraly jýrnalıster kóp jazdy. Kóz tımesin dep balalarymyzdyń qolyna ala jip taǵyp, jeıdesine túıreýish qadaımyz», - deıdi Tórebek.
Uly dúnıege kelgende, Joldasbek is-saparda bolypty.
«Allaǵa shúkir, balalar ósip keledi. Bizden buryn, balalardyń ata-ájesi qatty qýanyp júr. Tuńǵyshymyz bolǵan soń balalar solardiki. Úıdiń úlkenderi bala tárbıesine erekshe mán beredi», - deıdi ol.
Jastar Oral qalasynda tanysqan. Olar 2015 jyly qazanda shańyraq qurady. Jigitter 10 mınýt aralyqpen týǵan. Asylmen jáne Aıymmen birinshi bolyp egiz jigitterdiń kishisi Joldasbek tanysypty.
«Ol dúkenge aıaq kıim satyp alý úshin keldi. Ózine tańdady da satýshy Aıymnan taǵy osyndaı aıaq kıimdi surady. «Seniń egiziń bar ma?» dep suraıdy. Ol «ıá» dep jaýap beredi. Sol kezde qyz oǵan óziniń egizi jaıly aıtqan. Qos egizder balalardyń bolashaǵynan zor úmit kútedi.
Aıgúl Dáden
