Aqtaýlyq «Kaspıı» komandasyna bas bapker taǵaıyndaldy

ASTANA. QazAqparat - Aqtaýlyq «Kaspıı» komandasyna bas bapker qyzmetine Soltústik Makedonııa eliniń mamany Igor Angelovskı taǵaıyndaldy, dep habarlaıdy QazAqparat tilshisi klýbtyń baspasóz qyzmetine silteme jasap.

Igor Angelovskı Soltústik Makedonııa quramasyn 2020 jylǵy Eýropa chempıonaty fınaldyq satysyna alyp shyqty.

Ol 1976 jyly 2 maýsymda dúnıege kelgen. Fýtbolshylyq mansabynda 1996-2009 jylda óz eliniń, Slovenııa men Serbııanyń komandalarynda dop tepti.

2013 jyldan beri Soltústik Makedonııa klýbtary men ulttyq quramasyna jetekshilik jasady.

2022 jyly slovenııalyq «Gorıtsa» komandasynyń tizginin ustady.

Aıta ketsek, bıyl aqtaýlyq klýb qatarynan bes oıynda jeńilis taýyp, sodan keıin grýzııalyq maman Kahaber Tshadadze qyzmetinen ketti.

Al altynshy týrda «Kaspıı» kókshetaýlyq «Oqjetpesten» basym túsip, alǵash ret jeńiske jetti.