Aqtaýlyq kásipker bilim ordasyna sport alańyn syıǵa tartty

AQTAÝ. QazAqparat - Aqtaýdaǵy №15 jalpy bilim berý mektebine jergilikti kásipker Baýyrjan Jaqypov jańa sport alańyn salyp berdi, dep habarlaıdy QazAqparat tilshisi. Bul týraly mektep dırektory Asqar Dosov málim etti.

«Bilim ordasy 1985 jyly ashylǵan. Búginde 850 shákirt bilim alady. Bıylǵy dástúrli oqý jylynda jańa sport alańy paıdalanýǵa berildi. Endi alańda túrli oıyndar men sporttyq sharalardy uıymdastyramyz. Kásipkerge alǵysymyz sheksiz»,-dedi Asqar Dosov.

Zamanaýı úlgidegi sport nysanynyń aýmaǵy 1500 sharshy metrdi quraıdy. Bul mekteptegi eski alańnan eki esege úlken. Sonymen qatar, alańǵa tolyq jaryq shamdar men beınebaqylaý ornatylǵan. Odan ózge, keshki ýaqytta alańda 14 shaǵynaýdan turǵyndaryna da fýtbol oınaýǵa múmkindik berilgen.

Mektep basshysynyń aıtýynsha, oqýshylar oblystyq, qalalyq, saıystardan júldeli oryn alyp júr.